Baptista lojtari i ri i Romës

Mediat spanjolle kanë përcjellë sot lajmit se transferimi i stërzgjatur i brazilianit Julio Baptista, nga Real Madridi në Romë, tashmë është kompletuar.
Sipas sportives Marca, çmimi i transferimit të Baptistës do të jetë 12 milionë euro, ndërsa edhe lojtari vetë është pajtuar për zvogëlim të pagës dhe me këtë është zgjidhur edhe pengesa e fundit për kompletimin e transferimit.

“Gjithçka është e përfunduar. Shkrimet në mediat spanjolle janë të sakta, edhe pse numrat që përmenden aty janë ca të pasakta. Julio Baptista është lojtari i ri i Romës”, ka thënë agjenti Ernesto Bronzetti.