Arsenali shënjestron Canën

Mesfushori i Olympique Marseille, Lorik Cana, është bërë shënjestër e trajnerit të Arsenalit, Arsene Wenger, i cili shpreson ta përforcojë mesfushën me një lojtar me përvojë.
Pas blerjes së mesfushorit të krahut, Samir Nasri, nga Marseille, skuadra angleze dëshiron të kthehet te skuadra e Ligës së Parë franceze për të kërkuar shërbimet e 25-vjeçarit shqiptar.

Trajneri i Arsenalit, Wenger, është shumë i interesuar për kosovarin, i cili është edhe kapiten i Marseille, mirëpo edhe nëse francezët pajtohen që ta lëshojnë, Topçinjtë do të përballen me një konkurrencë të madhe nga klubet rivale.

Për ish-lojtarin e Paris Saint Germain, i cili vlen rreth gjashtë milionë funte, është e interesuar edhe skuadra tjetër e Premier League, Eveerton.

Cana ka qenë lider në skuadron e Marseilles duke bërë 95 paraqitje për tri vite, ndërsa Wengerit mund t’ia ofrojë eksperiencën e cila sipas shumë analistëve i nevojitet skuadrës së Arsenalit