Mlladiq fshihet në kufirin me Maqedoninë

Gazeta britanike, "Mirror", dhe ajo austriake, "Kronen Zeitung", kanë shkruar për vendin në të cilin ndodhet Ratko Mlladiq, i kërkuar për krime lufte në ish-Jugosllavi.
Media britanike njofton se Ratko Mladiq me qindra ushtarë qëndron i fshehur pranë kufirit me Maqedoninë, derisa këto informata pohon t’i ketë marrë nga një ish-truproje e Mlladiqit, i cili dëshiron ta rrëmbejë shpërblimin prej pesë milionë dollarësh që e ka ofruar Tribunali i Hagës për atë që do të ndihmojë në kapjen e kriminelit.

Të njëjtën gjë e ka pohuar edhe gazeta austriake, “Kronen Zeitung”, duke u bazuar në burime anonime. Sipas dy gazetave në fjalë Mlladiq është në gjendje të keqe shëndetësore dhe atë e ruajnë rreth 200 ushtarë në një bunker në kufi me Maqedoninë.