BBC: Shqipëria në BE, jo para 2015

Shqipëria nuk pritet të hyjë në Bashkimin Evropian para vitit 2015. Për Bashkimin Evropian Shqipëria po ecën shumë ngadalë në luftën kundër korrupsionit dhe krimit të organizuar.
Në një shkrim “Zgjerimi i BE, e kaluara dhe e ardhmja”, gazetarët e BBC analizojnë pozicionin në të cilat ndodhen aktualisht 7 vendet e Ballkanit, që aspirojnë për të hyrë BE: Shqipëria, Serbia, Kroacia, Maqedonia, Turqia, Bosnje Hercegonica dhe Mali i Zi .

Ndërsa për Kroacinë dhe Turqinë, të cilët kanë nisur bisedimet më 3 tetor të 2005, tashmë ka një datë se kur mund të hyjnë në BE, (Turqia mund të hyjë në BE brenda 15 vitesh, ndërsa Kroacia brenda 5 vitesh), për vendet e Ballkanit, Bashkimi Evropian ka paralajmëruar se do të nisin bisedimet vetëm nëse plotësojnë kriteret, ku përfshihet demokracia, respektimin e ligjit, ekonomia e tregut dhe aderimin e kritereve ekonomike dhe politike të Bashkimit Evropian.

Po kështu dhe Bosnje Hercegovina, sipas kësaj analize, nuk pritet të hyjë në BE përpara 2015. Ndërkohë që 2012 është sugjeruar si një datë e mundshme që Maqedonia do të hyjë në BE. /Balkanweb/