Gjykata e Bosnjës dënon shtatë ish-policë serbë

Gjykata e Bosnjës për Krimet e Luftës ka dënuar shtatë ish-policë serbë të Bosnjës ma afate të gjata burgimi. Ata u shpallën fajtorë për pjesëmarrje në vrasjen e myslimanëve në Srebrenicë në korrik të vitit 1995.
Ata u dënuan nga 38 deri në 42 vjet për rolin që kanë luajtur në vrasjen e rreth tetë mijë burrave dhe djemve myslimanë kur forcat serbe morën nën kontroll këtë enklavë.

Në atë moment Srebrenica ruhej nga paqeruajtësit holandezë të Kombeve të Bashkuara.

Katër të akuzuar të tjerë serbë u shpallën të pafajshëm.

Ky ishte vendimi i parë i kësaj gjykate në lidhje me masakrën e Srebrenicës, për të cilën akuzohet edhe ish-udhëheqësi i serbëve të Bosnjës, Radovan Karaxhiq, i cili pritet të ekstradohet në Hagë. /bbc/