Karaxhiqi sot para Gjykatës së Hagës

Gjykata e krimeve të luftës në Hagë ka bërë të ditur se ish udhëheqësi i serbëve të Bosnjës, Radovan Karaxhiq, do të bëjë paraqitjen e tij të parë të enjten (sot).
Kryeprokurori, Serge Brammertz, tha në një konferencë për gazetarë se Karaxhiq do të akuzohet me disa nga krimet më serioze sipas ligjit ndërkombëtar - gjenocid, krime kundër njerëzimit dhe krime lufte duke përfshirë vrasjet në vitin 1995 të 8 mijë myslimanëve në Srebrenicë.

Brammertz e përshkroi arrestimin e zotit Karaxhiq në Beograd javën e kaluar si shumë të rëndësishëm për drejtësinë ndërkombëtare dhe si arritje të rëndësishme për bashkëpunimin serb me Gjykatën e krimeve të luftës.

"Ne kemi filluar procesin e rishikimit të padisë, duke siguruar se do të respektohet ligji dhe krimet që janë provuar dhe faktet e prezantuara do të merren në konsideratë. Pra, ne kemi si qëllim të prezantojmë këtë çështje në mënyrën më efiçente dhe natyrisht duke mësuar nga përvoja e shkuar", ka thënë ai. /bbc/