KFOR-i do ta kryejë pjesën e mbetur të ujësjellësit në Suhadoll

“KFOR-i do ta kryejë këtë pjesë të mbetur të kanalit të ujësjellësit që është më rëndësi për gjithë popullatën, mirëpo duhet gjetur mënyrat që kjo të bëhet në koordinim me UNMIK-un dhe SHPK-në sa i përket aspektit të sigurisë”, ka thënë komandanti i bazës ushtarake të KFOR-it francez “Belvedere”, Alexander Andoque.
Sipas tij, situata është komplikuar të enjten pasi atje kanë dalë disa njerëz që kanë penguar vazhdimin e punimeve nga ana e KFOR-it për përfundimin e kanalit të ujësjellësit në Suhadoll.

Banorët e fshatrave Gushavc e Vinarc paralajmërojnë se, në rast se nuk vazhdojnë punët e mbetura në realizmin e projektit të ujësjellësit, ata do të dalin ta punojnë vetë dhe nëse pengohen nga serbët, siç u pengua KFOR-i, do t’ua ndërpresin atyre rrymën dhe ujin.