Problemi kryesor në Kosovë është papunësia

Sipas një studimi të cilin e ka publikuar “Index-Kosova”, papunësia dhe statusi ende i paqartë i Kosovës edhe pas shpalljes së pavarësisë, vazhdojnë të jenë dy problemet kryesore të cilat i shqetësojnë kosovarët.
Sipas këtij studimi problem për qytetarët e Kosovës paraqet edhe mungesa e furnizimit me energji elektrike, zhvillimi ekonomik, varfëria, pjesa veriore e qytetit të Mitrovicës mungesa e shtetit ligjor si dhe shëndetësia.

Bazuar në rezultatet e këtij hulumtimi, tre prioritet kryesore të Qeverisë së Kosovës duhet të jenë- energjia elektrike, respektimi i ligjit si dhe shëndetësia.

Në këtë hulumtim kanë marrë pjesë gjithsej 998 persona nga të gjitha grupet etnike./INA/