Parlamenti i Maqedonisë sot voton Qeverinë e re, PDSH nuk merr pjesë

Parlamenti i Maqedonisë sot do të votojë Qeverinë e re të koalicionit të VMRO-DPMNE-së dhe BDI-së, derisa kryetari PDSH-së, Menduh Thaçi, ka njoftuar se partia e tij nuk do të merr pjesë në Parlament derisa nuk diskutohet për kërkesat e saj.
“Nuk hyjmë në Parlament derisa nuk vihen në rend dite gjashtë kërkesat e PDSH-së. Procedura se si u miratua Rregullorja e re e Parlamentit kualifikohet si shkelje flagrante e Kushtetutës. Mendoj se BDI do të mbajë përgjegjësi politik për veprimin e mëtejm politik”, theksoi Thaçi.

Seanca parlamentare do të zhvillohet sot pasdite, ndërsa paradite kryetari i Parlamentit, Trajko Veljanovski ka ftuar shefat e grupeve parlamentare për të diskutuar për rrjedhën e seancës për zgjedhjen e Qeverisë së re, e cila do të votohet sipas Rregullores së re të Parlamentit.

Në kabinetin qeveritar të Nikolla Gruevskit, BDI do të udhëheq me pesë ministri dhe një post të zëvendëskryeministrit.

VMRO-DPMNE do të mbajë ministritë e deritanishme që i kishte drejtuar edhe gjatë qeverisjes së deritanishme. Ndërsa BDI ka propozuar emra të rinj në gjashtë dikaster ministrore që do të udhëheq