Këshilli i Sigurimit diskuton sot për Kosovën

Këshilli i Sigurimit i OKB-së diskuton sot për gjendjen në Kosovë. Në takim, do të marrë pjesë edhe shefi i UNMIK-ut, Lamberto Zannier dhe ministri i Jashtëm i Kosovës, Skënder Hyseni.
Ministri Hyseni në një intervistë për BBC ka thënë se në seancën e sotme të Këshillit të Sigurimit të OKB-së, Kosova merr pjesë si shtet. Megjithatë ende nuk është e qartë nëse Hyseni do të jetë vetëm vëzhgues në këtë takim, apo do të mund t'i drejtohet ambasadorëve të Këshillit të Sigurimit.

Nga Serbia do të marrë pjesë Ministri i Jashtëm Vuk Jeremiq, i cili ka paralajmëruar se do të kundërshtojë rikonfigurimin e UNMIK-ut pa pëlqimin e Këshillit të Sigurimit.

Seanca është e dyta pas shpalljes së pavarësisë së Kosovës dhe në te pritet të diskutohet mbi planin e kreut të OKB-së, Ban Ki Mon për rikonfigurimin e UNMIK-ut.