Kosovarët nuk e harrojnë dorën e ndihmës

Njohja e shtetësisë së Kosovës nga ana e Malit të Zi është hap tejet i rëndësishëm për stabilitetin e rajonit, tha sociologu Anton K. Berishaj ligjërues në UP për gazetën podgoricase “Vijesti”. Berishaj mes tjerave në këtë intervistë tha se e kupton gjendjen nën presion të Malit të Zi lidhur me njohjen eventuale të Kosovës.
“Mendoj që konflikti në Kosovë është pranuar si një konflikt mes Serbisë dhe Kosovës dhe kështu që Mali i Zi në një farë mënyre dytësore apo terciare ka marrë pjesë aty duke i hapur kufijt e saj për refugjatë kosovarë atëherë kur situata ka qenë më se e keqe”, tha Berishaj duke shtuar se marrëdhëniet e mira diplomatike mes Mali të Zi dhe Shqipërisë janë një element shtesë për marrëdhënie të mira edhe mes Kosovës dhe Malit të Zi.

Anton K.Berishaj tha se marrëdhëniet mes Kosovës dhe Serbisë duhen trajtuar si marrëdhënie mes dy shteteve fqinje ndërsa u bëri ftesë serbëve kosovarë që integrohen në shoqërinë e shtetit kosovar. “Ata njerëz janë të manipuluar nga çdo garniturë politike e Serbisë”, tha ai duke iu referuar kosovarëve të etnisë serbe.

E ardhmja e Ballkanit ndodhet në krijimin e elitave të reja politike të cilat duhet të themelohen mbi parimet e mendësisë dhe praktikës politike të perëndimit, përfundon Berishaj intervistën për gazetën “Vijesti